اسأل
كلمات يحيي العبادي
==============
تسأل هاقولك معاش
طب جه اقول ماجاش
لسه فيه وقت تاني
والي فات ما يتنساش
ماتقولش راح وفات
وحياته بقت سكات
علشان انا شايفه حي
بعد ما قالو أنه مات
اسأل عليه وزوره
بكره تعيش في دوره
وتكون حكايه تانيه
تتمني ……ربع نوره
فات عليه …….كتير
عايش في البيت أسير
حاسس وجع النسيان
شايف….. لاكن ضرير
الوقت …….منه فات
وحياته بقت…..سكات
وحنين الماضي راح
والشوق من جوه مات
دنيا وبتدور …..علينا
ربك أراد …..ف جينا
قضينا فيها …حياتنا
بقينا معاش… انتهينا
اسأل
